Бүгін облыс орталығында Қазақстан Халық партиясы бастамасымен ұйымдастырылған «Еңбек адамы — 2025» байқауының жеңімпаздары марпатталды, деп хабарлайды F16.kz.
Биыл Мемлекет басшысы Жұмысшы мамандықтар жылын жариялап, мәртебесін көтеруді ұсынған. Биыл Еңбек күні қарсаңында әр салада еңбек етіп, өңірдің дамуына атсалысып жүрген азаматтарға құрмет көрсетілді.
Бұл байқау республиканың түкпір-түкпірінде ұйымдастырылды. Шараның негізгі мақсаты – жұмысшы мамандықтардың мәртебесін көтеріп, дәріптеу. Қарапайым жұмысшылардың күнделікті өмірде көзге көрінбейтін еңбегі орасан зор. Оларға құрмет көрсету – әр адамның парызы. Қарапайым жұмысшы мамандықтардың еңбегін бүкіл ел, әсіресе жастар білуі керек. Сондықтан да облыс көлемінде осы байқауды жарияладық, — дейді байқаудың ұйымдастырушысы, ҚХП ШҚО филиалы Жастар қанатының төрағасы Ляйля Төлеубекова.
Бүгін марапат биігінен көрінгендер қатарында №4 қалалық аурухананың слесарь-сантехнигі Әсет Әбілов бар. 20 жыл бойы бел жазбай осы салада еңбек етіп келе жатқан ол «Инженерлік коммуникациялар шебері» номинациясында үздіктер қатарынан көрінді.
Ең алдымен, еңбегіміз бағаланып, осынай сый-құрметке ие болғаныма қуаныштымын. Бұл тек менің емес, барша ұжымның жеңісі. Осы салада жүргеніме 20 жылдан асса, ауруханада жұмыс істегенімен 5 жыл болды. Әр жұмыстың қиындығы мен қызығы болады. Бізде де дәл солай. Бірақ ештеңеге қарамастан мен өз жұмысымыды жақсы көремін. Менің ойымша, жұмысыңа қуанып барып, көңілді қайтудың өзі бақыт, — дейді Әсет Әбілов.
Шара барысында үздік атанған жұмысшы мамандық иелеріне түрлі номинациялар бойынша медальдар мен алғыс хаттар табыс етілді.
