Денсаулық сақтау министрлігі баға жүйесін реформалады. Маркетингтік және көлік шығыстары есептеуден алынып тасталды, ал генериктердің құны бастапқы препараттардың 30%-на төмендеді, деп хабарлайды F16.kz тілшісі бейінді министрлікке сілтеме жасап.
Денсаулық сақтау вице-министрі Тимур Мұратовтың айтуынша, бөлшек сауда желісінде де, ТМККК және МӘМС жүйесінде де 8 мыңға жуық дәрі-дәрмек атауының бағасы қайта қаралды.
Бірыңғай дистрибьютордың сатып алу қорытындысы бойынша үнемдеу 70,5 миллиард теңгеге жетті. Бұл қаражат дәрі-дәрмектің қосымша қажеттілігін сатып алуға бағытталған.
Дәріхана желілерінің мониторингі көрсеткендей: қазан айында сұранысқа ие препараттардың бағасы орта есеппен 11%-ға төмендеген. Әсіресе, жүрек-қан тамырлары ауруларына, антибиотиктерге және қабынуға қарсы препараттарға арналған дәрі-дәрмектер айтарлықтай арзандаған.
