5518 әскери бөлімінің әскери оркестрі ерекше мерекелік акция өткізіп, қаланы әсем әнге бөледі, деп хабарлайды F16.kz.
Әскери музыканттар қала тұрғындарына көтеріңкі көңіл күй сыйлау мақсатында қоғамдық көліктердің бірінде музыкалық қойылым ұйымдастырып, ән салды.
Күтпеген тосынсый жолаушылардың жүздеріне қуаныш сыйлап, ерекше әсер қалдырды.
Сонымен қатар, әскери қызметшілер нәзік жандыларға гүл шоқтарын тарту етіп, алдағы 8 наурыз – Халықаралық әйелдер күнімен құттықтады.
Мұндай игі шаралардың басты мақсаты – әйелдер қауымына құрмет көрсету, көктем мерекесі қарсаңында қала тұрғындарына қуаныш пен жақсы көңіл күй сыйлау.
