Риддер қаласының Қонаев көшесіндегі көпқабатты үйлердің бірінде өрт шықты. Оқиға орнына өрт сөндірушілер жеткенше көмекке келген құрылысшылар екінші қабаттағы пәтерден 1950 жылғы қарияны сыртқа шығарды, деп хабарлайды F16.kz.
PRO MONTAZH KZ ЖШС құрылысшылары Серік Жусамбаев, Бекзат Молдияров пен Ермек Сәрсенов сол үйдегі пәтерлердің бірінде жұмыс істеп жатқан.
Көмек сұраған дауысты естіген құрылысшылар баспалдақ арқылы түтінге оранған пәтердің терезесіне көтеріліп, үй иесін алып шықты. Артынша жеткен өрт сөндірушілер 2 шаршы метр аумақты шарпыған өртті сөндірді, — деп хабарлады ШҚО ТЖД баспасөз қызметі.
ТЖД құтқарушылары өрт қауіпсіздігі ережелерін қатаң сақтауға шақырады.
