Катонқарағай ауданындағы Топқайың ауылына интернет тартылады, деп хабарлайды F16.kz тілшісі аудан әкімдігіне сілтеме жасап.
– Топқайың ауылы тұрғындары үшін өзекті мәселелердің бірі – интернет желісінің болмауы еді. Бұл түйткіл жуық арада толық шешімін таппақ, – деп жазды аудан әкімі Данияр Дүйсембаев өзінің Инстаграм парақшасында.
Белгілі болғандай, қазір аталмыш ауыл маңында антенна-мачта стансасы (АМС) орнатылып, оған жақын орналасқан Солдатово тауына радиосәуле тарататын арнайы құрылғы қойылып жатыр. Нәтижесінде, Топқайың ауылында интернет желісі қолжетімді болады.
