Қаржылық мониторионг агенттігінің және Ұлттық қауіпсіздік комитетінің Шығыс Қазақстан облыстық департаменттері бірлесіп 9 млрд теңгеден астам сомаға электр энергиясын заңсыз сату фактісін анықтады, деп хабарлайды F16.kz.
Қолданыстағы заңнамаға сәйкес, майнинг кәсіпорындарына электр энергиясын сату тек бірыңғай мемлекеттік сатып алушы арқылы және 1 мегаватт-сағаттан аспайтын көлемде жүзеге асырылуға тиіс.
Алайда бірнеше энергиямен жабдықтаушы компания екі жыл қатарынан халыққа, әлеуметтік нысандар мен стратегиялық маңызы бар кәсіпорындарға арналған электр энергиясымен майнинг кәсіпорындарын заңсыз түрде қамтамасыз етіп келген.
Жалпы ұрланған электр энергиясының көлемі 50 мегаватт-сағаттан асады. Бұл 50–70 мың халқы бар қаланың энергия тұтынуымен тең көрсеткіш.
Қылмыстық жолмен алынған табысқа ұйымдастырушы елордадан екі пәтер, төрт автокөлік сатып алған. Оларға тәркілеу мақсатында сот санкциясымен шектеу қойылды. Тергеп-тексеру жалғасып жатыр.
ҚР ҚПК-нің 201-бабына сәйкес өзге ақпарат жария етілмейді.
