Өскеменде Қазақстан Республикасы мен Ресей Федерациясы ішкі істер министрліктері бірлескен алқасының отырысы өтіп, екіжақты ынтымақтастықтың басым бағыттарын талқыланды, деп хабарлайды F16.kz тілшісі Polisia.kz сайтына сілтеме жасап.
Отырысқа екі елдің Ішкі істер министрлері Ержан Саденов пен Владимир Колокольцев, сондай-ақ қос ел министрліктеріндегі негізгі құрылымдық бөлімшелер мен қызметтердің басшылары қатысты.
Отырыс барысында екі елдің құқық қорғау органдары арасындағы іздестіру бағытындағы бірлескен жұмыстың нәтижелері, синтетикалық есірткілердің заңсыз айналымымен күрес, сонымен бірге алдағы кезеңге арналған бірлескен іс-қимыл жоспарының жобасы қаралды. Тараптар аталған бағыттар бойынша келісілген ұстанымдар мен нақты іс-шараларды айқындап, тиісті шешімдер қабылдады.
– Өзара сенім мен құрметке, сындарлы диалогқа негізделіп өткен кездесу барысында қос тарап құқық қорғау органдары арасындағы серіктестікті одан әрі тереңдетуге ниетті екендерін растады, – деп жазады дерек көзі.
