Семейде ерлі-зайыптылардың шаңырақ көтергендеріне 16 жыл толу құрметіне орай ұйымдастырылған мерекелік кеш төбелеске ұласып, ақыры қылмыстық іспен аяқталды, деп хабарлайды F16.kz.
Мерекелік дастархан басында алкогольді ішімдікке сылқия тойып алған ерлі-зайыптылар арасында сөзден сөз шығып, төбелес басталады. Жанжал кезінде 36 жастағы әйел күйеуін бірнеше рет көсеумен басынан ұрған. Жарақат алған ер адам ауруханаға түсіп, әйел сотқа тартылды.
Сот әйелдің екі бала тәрбиелеп отырғанын ескеріп, оған үш жыл шартты жаза тағайындады. Әйел Затон аудандық пробация қызметіне есепке қойылды. Қазір ол болған жағдайға өкінетінін айтып, жұмысқа орналасқан және енді мейрамды ішімдіксіз атап өтеміз деп уәде берді.
Сотталушыға жаза өтеудің тәртібі мен ережесі түсіндірілді, сондай-ақ жұмысқа орналасуға көмек көрсетілді. Ол жергілікті жеке кәсіпкерліктің біріне жұмысқа қабылданды, . – деп түсіндірді пробация қызметінің басшысы Ерлан Қыдырманов.
