Шығыс Қазақстан облысының Кәсіпкерлік және өнеркәсіп басқармасы бақылау іс-шараларының нәтижелері бойынша Қазақстан Республикасының заңнама талаптарын бұзған жер қойнауын пайдаланушылардың кен іздеушілікке берілген 15 лицензиясын кері қайтарды, деп хабарлайды F16.kz.
Арнайы мониторинг жүргізіліп, оның шеңберінде жер қойнауын пайдалану учаскелеріне шығу арқылы тексерулер жүргізіліп, лицензия талаптары мен Қазақстан Республикасының заңнамасы талаптарының сақталуы тексерілді.
Нәтижесінде рұқсат етілмеген механикаландыру құралдарын пайдалана отырып кен іздеушілік жұмыстарын жүргізу, белгіленген талаптарды бұзудың өзге де жағдайлары анықталды, — делінген хабарламада.
Басқарма жер қойнауын пайдаланушылардың заңнама талаптары мен берілген лицензиялардың шарттарын сақтауына бақылауды жалғастырады. Егер талаптар бұзылып, белгіленген мерзімде жойылмаса, Қазақстан Республикасының заңнамасына сәйкес тиісті шаралар қабылданады.
