Шығыс Қазақстан облысы аумағында жабайы қарасора ошақтары анықталып, жойылды, деп хабарлайды F16.kz.
«Қарасора-2025» жедел-алдын алу іс-шарасы барысында есірткі қылмысына қарсы іс-қимыл басқармасының қызметкерлері Ұлан және Зайсан аудандарында рейд жүргізген. Нәтижесінде жалпы ауданы 20 гектар болатын жабайы қарасора алқабы жойылды.
Аумақтарды тексеру барысында ұшқышсыз ұшу аппараттары мен дрондар қолданылды. Өңірде есірткі құралдарының заңсыз айналымына тосқауыл қою жұмыстары жүйелі түрде жүргізіліп келеді және бұл бағыттағы шаралар жалғасын табады, — деп хабарлады ШҚО ПД баспасөз қызметі.
