Әзірбайжан астанасы Бакуде өткен Халықаралық гимнастика федерациясының (FIG) ресми бастамасы саналатын AMTROPHY турнирінде шығысқазақстандық бұрымдылар ел намысын абыроймен қорғады, деп хабарлайды F16.kz.
Ұлттық құрама сапында өнер көрсеткен көркем гимнастика шеберлері таяқшамен жаттығу орындайтын сайыстың финалында жоғары ұпай жинап, күміс медаль иеленді. Шешуші сынға дейін олар әлемнің әр түкпірінен келген мықты қарсыластарын қапы қалдырып, Қазақстанның көркем гимнастикадағы жетекші елдердің бірі екенін дәлелдеді.
Турнирге Грузия, Әзірбайжан, Молдова, Мексика, Малайзия, Қырғызстан және Венгрия қатарлы елдердің құрама командалары қатысқанын атап өткен жөн.
