Өскемен қаласының әкімдігі субұрқақтарға шомылуға болмайтынын және қоғамдық мүлікке ұқыпты қарап, жиегіне шықпау керектігін еске салады, деп хабарлайды F16.kz тілшісі.
Қаланың көрігіне көрік қоса түсетін субұрқақтар балалар ойнауға арналмаған. Біріншіден, өзіңіз және балаңыз үшін қауіп тудырады. Екіншіден, инженерлік құрылымдарына зиян келуі мүмкін.
Қазір қаладағы субұрқақтар әлі іске қосылған жоқ. Шаһар басшылығы 1 мамырдан бастап қосуды жоспарлап отыр.
Жаздың аптап ыстығында субұрқақтарға шомылып жүрген балаларды көзіміз шалатыны өтірік емес. Онда су орталық су құбырынан емес, жерасты ұңғымасынан сорғылар арқылы беріледі. Ол ешқандай тазалаудан өтпейді. Сондықтан балалардың тері ауруларын жұқтыру қаупі де бар екенін атап өту керек.
Фото: nur.kz
