Облыс орталығындағы мешіттердің бірінен құны 400 мың теңге тұратын «Asus» ноутбугі жоғалған, деп хабарлайды F16.kz.
Жедел іздестіру іс-шаралары барысында 37 жастағы күдікті ұсталды. Оның басқа мешітте де ұрлық жасағаны анықталған.
Барлық жағдайда күдікті тегін тамақ алуды сылтауратып мешітке кіріп, қызметтік бөлмелерден ұрлық жасаған. Кейін ноутбуктердің бірін сатып, түскен қаражатты жеке қажеттілігіне жұмсаған, – делінген полиция таратқан ақпаратта.
Қазір сотқа дейінгі тергеп-тексеру жүріп жатыр.
