Қазіргі күні Өскеменде жеке инвестициялар есебінен 35 тұрғын үй кешені салынып жатыр. Оның ішінде тек 5 компанияға үлескерлерден ақша жинауға рұқсат берілген, деп хабарлайды F16.kz.
Тұрғын үй кешендерінің құрамында 59 көппәтерлі үй бар. Оның ішінде тек 5 компнаия жергілікті атқарушы органнан және “Қазақстан Тұрғын үй Компаниясы” АҚ кепілдігін алған.
Атап айтқанда, «Жаным» және «Золотой Квадрат» тұрғын үй кешендеріне “Қазақстан Тұрғын үй Компаниясы” АҚ кепілдік берген. Ал, «Tumar Towers», «Ainalaiyn» және «Orda» кешендері жергілікті атқарушы органнан рұқсат алған.
Айта кетейік, бұл жерде басқа үйлер заңсыз салынып жатыр дегенді білдірмейді. Құрылыстың барлығы заң талаптарына сай жүргізіліп жатыр. Тек үлескердерден қаражат тарту үшін арнайы рұқсат алу қажет. Оны тек 5 компания алған, — деп атап өтті ШҚО мемлекеттік сәулет-құрылыс бақылау басқармасы басшысының орынбасары Самат Қаирдинов.
