«Халық қатысатын бюджет» бағдарламасы Өскеменде көп жылдан бері сәтті жүзеге асырылып келеді. Биыл аталмыш бағдарлама шеңберінде 40 аула абаттандырылады, деп хабарлайды F16.kz.
16 ауланы абаттандыруға, 16 балалар алаңын және 9 спорт алаңын салуға қаражат бөлінген. Тағы 8 футбол және 1 баскетбол алаңын салу жоспарланып отыр. Аталған жұмыстар биыл қараша айында толықтай аяқталуға тиіс.
Қала әкімдігінің мәліметіне сүйенсек, қазір 30 учаскеде жұмыс басталып кеткен. «Халық қатысатын бюджет» бағдарламасы аясында абаттандырудан бөлек, аулаішілік жолдарды жөндеу, автотұрақтарды кеңейту және салу да қарастырылады.
