Облыс орталығының бірнеше ауданында сенбі күні дәстүрлі ауыл шаруашылығы жәрмеңкесі өтеді, деп хабарлайды F16.kz.
Қала тұрғындары мен қонақтарына ет пен сүт өнімдері, шұжық, нан, бал және басқа тауар түрлері қолжетімді бағада ұсынылады.
Қала тұрғындарына қолайлы болу үшін 11 сәуір күні сағат 08.00-ден 14.00-ге дейін «Алтай» көтерме-бөлшек сауда орталығы (Жібек Жолы көшесі, 44), «Дос Нар» сауда үйі (Виноградов көшесі, 17а), «Керуен» сауда үйі (Оралхан Бөкей көшесі, 3) және Защита ауданындағы «Теміржолшылар» саябағы (Тынышпаев көшесі, 122) және «Валентина» сауда үйінің (Шаяхметов, 13) аумағында жәрмеңке ұйымдастырылады, — делінген хабарламада.
