Өскемендік жасөспірімдер жоғалып кеткен жасөспірімді видеоаналитика көмегімен тапты, деп хабарлайды F16.kz тілшісі.
17 жастағы жасөспірім ата-анасының хабарынсыз ауылдық жерден қалаға келген. Ұлдарына алаңдаған ата-ана бірден тәртіп сақшыларына жүгінген.
Іздеу жұмыстары барысында қалалық бейнебақылау жүйесіне жасөспірімнің фотосуреті жүктелді. Нәтижесінде видеоаналитика оның қозғалысын тіркеп, даңғыл бойындағы камералардың бірі жасөспірімнің нақты жүрген орнын анықтауға мүмкіндік берді. Полицейлер жедел әрекет етіп, баланы ата-анасына тапсырды, — дейді ШҚО ПД баспасөз қызметі.
Қазіргі уақытта облыс орталығында аталған бейнебақылау жүйесін көбейту үшін жұмыстар жүргізіліп жатыр. Қоғамдық орындарға видеоаналитика функциясы бар 300 камера орнату жоспарланып отыр. Бұл өз кезегінде қоғамдық қауіпсіздік деңгейін арттырып, өңірде «Заң мен Тәртіп» қағидатын нығайтуға септігін тигізеді.
Фото: ШҚО ПД баспасөз қызметі
