Биылғы 27 сәуірде әлеуметтік желілерде Өскемендегі құс фабрикасының сарқын суды далаға ағызғаны туралы видео жарияланды. Видео негізінде облыстық экология департаментінің қызметкерлері тексеру жүргізді, деп хабарлайды F16.kz тілшісі.
ШҚО экология департаментінің баспасөз қызметі таратқан ақпаратқа сүйенсек, арам судың ағып жатқаны туралы ақпарат расталған.
Мамандар табиғатты қорғау полициясының қызметкерлерімен бірлесіп оқиға орнына барған. Видеода айтылған ақпарат расталды. Құқық бұзушыға қатысты тиісті шаралар қабылданады, — делінген ақпаратта.
Мамандар судың құрамында ластаушы заттардың бар-жоғын анықтау үшін су және топырақ сынамаларын алған.
Фото: ШҚО экология департаменті
