Әлеуметтік желілер мен мессенджерлерде тарап жатқан 1949-2010 жылдар аралығында туған Қазақстан азаматтарына 70 мың теңге мөлшерінде төлемдер төленетіні туралы ақпарат шындыққа жанаспайды, деп хабарлайды F16.kz тілшісі ҚР Еңбек және халықты әлеуметтік қорғау министрлігіне сілтеме жасап.
Ведомство елімізде мұндай әлеуметтік көмек жоқ деп сендіреді. Дерек көзінің ақпаратына сенсек, Қазақстанда төлемдер мен әлеуметтік жәрдемақыларды тағайындаумен Еңбек және халықты әлеуметтік қорғау министрлігі ғана айналысады.
Ал белгісіз тұлғалар ұсынған сілтемелер қазақстандықтардың жеке деректеріне қол жеткізудің жаңа тәсілі болуы мүмкін. Осыған байланысты мамандар тұрғындарға белгісіз әрі сенімсіз сілтемелерге өтпеуге кеңес береді. Елімізде мемлекеттік қолдаудың тиісті шаралары туралы ресми ақпарат тек 1414 нөмірінен SMS-хабарламалар арқылы таратылатынын еске салады.
