Шығысқазақстандық студенттерге есірткінің зияны туралы түсіндірілді, деп хабарлайды F16.kz тілшісі Polisia.kz сайтына сілтеме жасап.
Есірткі қылмыстарының алдын алу бойынша кешенді шаралар аясында Шығыс Қазақстан облысы Полиция департаменті есірткі қылмысына қарсы іс-қимыл басқармасының қызметкерлері, алдын алу кеңесінің мүшелері және кинологтар бірлесе отырып, С.Аманжолов атындағы ШҚУ жоғарғы колледжінің жатақханасына рейд жүргізді. Іс-шараға қызметтік иттер де тартылды.
Студенттерге есірткі заттарын қолданудың денсаулыққа төндіретін зор қауіптері түсіндіріліп, оларды сақтау мен тарату заң алдындағы қатаң жауапкершілікке әкелетіні ескертілді. Сондай-ақ тәртіп сақшылары жатақханадағы ішкі тәртіптің сақталуын және тыйым салынған заттардың бар-жоғын тексерді.
– Мұндай профилактикалық шаралар жүйелі түрде жүргізіліп, жастарға қауіпсіз әрі қолайлы оқу ортасын қалыптастыруға ықпал етеді, – деп жазады дерек көзі.
