Шығыс Қазақстан облысында Энергетиктер күніне және Жұмысшы мамандықтар жылына орай салтанатты шара өтті. Оған аймақ басшысының орынбасары Бақытжан Байахметов қатысып, сала үздіктерін марапаттады, деп хабарлайды F16.kz.
Бүгінде «БЭСК» АҚ облыстың энергетикалық инфрақұрылымын дамытуда шешуші рөл атқарып келеді. Сіздердің еңбектеріңіз аймақ тұрғындарының жайлы өмір сүруінің негізі. Мемлекеттің сенімді серіктесі болып, Шығыс Қазақстанның әлеуметтік-экономикалық дамуына үлес қоса беріңіздер. Ұжымға зор денсаулық, бақ-береке және мол табыс тілеймін,-деді облыс әкімінің орынбасары.
Өңір аумағын жарықпен қамтамасыз етіп отырған акционерлік қоғамда білікті жұмысшы кадрлар мен тәжірибелі мамандар қызмет атқарады. Жыл сайын ондағы негізгі электр жабдықтарына күрделі және ағымдағы жөндеулер жүргізіледі. Шара барысында компанияның жемісті жұмыс істеп келе жатқан қызметкерлері марапатталды.
