Абай облысында SETRA маркалы жолаушылар автобусы жолдан шығып кетіп, аударылып кеткен, деп хабарлайды F16.kz.
Оқиға 31 қаңтар күні сағат 10:30–да Семей–Қайнар автожолының 62-шақырымында, Знаменка ауылы маңында болған.
Алдын ала мәліметтерге сәйкес, 52 жастағы жүргізуші басқарған SETRA маркалы жолаушылар автобусы жолдан шығып кетіп, аударылып кеткен. Автобус салонында вахталық жұмысқа бара жатқан 50 жолаушы болған.
Абай облысының полиция департаменті таратқан мәліметке сүйенсек, жол-көлік оқиғасы салдарынан жолаушылар өміріне қауіп төндірмейтін дене жарақаттарын алған. Барлық зардап шеккендерге уақтылы қажетті медициналық көмек көрсетілді.
Қазіргі уақытта аталған факт бойынша полиция тексеру жұмыстарын жүргізіп жатыр.
