Ақ Берел өзенінде жаңа көпір салынады. Жобалық-сметалық құжаттама жасалып жатыр, деп хабарлайды F16.kz.
Естеріңізге сала кетейік, әсем табиғатқа жол ашатын Катонқарағай ұлттық саябағындағы Ақ берел көпірі былтыр көктемде жауған қар салмағына төтеп бере алмай, қирап қалған. Көпір 1938 жылы салынған.
Айта кету керек, туристер аталған көпір арқылы Белуха тауының етегіндегі Көккөл базалық лагеріне дейін жаяу өтетін. Ал, көпір құлағанда тауға жаяу жету мүмкін болмай қалды. Сондықтан Катонқарағай ұлттық паркінің қызметкерлері мен туроператорлар көпірді өз күштерімен жөндеп, қайта ашқан.
Биыл ескі көпір жанынан жаңа өткел салынады.
Жобалық-сметалық құжаттама жасалып жатыр. Конкурс ұйымдастырылып, мердігер анықталады. Ол үшін қаржы облыстық бюджеттен бөлінген. Келесі жылы жұмыстар республикалық бюджеттен қаржыландырылады, — деді Катонқарағай ауданының әкімі Данияр Дүйсембаев.
Жобаның жалпы құны 592 миллион теңгені құрап отыр.
