«Самал» саябағында суға түсіп жүрген ер адам мен баласы суға батып кете жаздады, деп хабарлайды F16.kz.
Құтқарушылар патрульдеу кезінде ер адам мен баланы ағынмен жағалаудан әкетіп бара жатқанын байқаған.
Жедел-құтқару жасағының құтқарушысы Бауыржан Капитанов құтқару шеңберін тастап,1983 жылы туған әкесі мен 2012 жылы туған ұлын жағаға шығарды, — деді ШҚО ТЖД баспасөз қызметі.
ШҚО ТЖД мамандары азаматтарға су айдындарындағы қауіпсіздік шараларын сақтап, балаларды ересектердің қарауынсыз қалдырмау керектігін ескертеді.
