Шығыс Қазақстан облысының әкімі Нұрымбет Сақтағанов пен ауыл шаруашылығы министрі Айдарбек Сапаров өңірдің ауыл шаруашылығы тауар өндірушілермен кездесті, деп хабарлайды F16.kz.
Сондай-ақ тұрғындарды жеке мәселелері бойынша қабылдады.
Бүгінгі кездесудің мақсаты – агроөнеркәсіп кешені саласында жүргізіліп жатқан реформалар туралы облыс халқын хабардар ету. Шығыс Қазақстанда бұл сала тұрақты дамып келеді. Елімізде ауыл шаруашылығы өнімдерін өндіруде өңірдің үлесі – 6%, — деді Нұрымбет Сақтағанов.
Айдарбек Сапаров жиналғандарға мал және өсімдік шаруашылықтарын дамыту үшін мемлекет тарапынан қандай қолдау көрсетіліп жатқанын, арнайы бағдарламалар және субсидияларды қалай алуға болатыны туралы кеңірек айтып берді. Сондай-ақ кездесу барысында көпті толғандырған сауалдарға жауап беріліп, саладағы өзекті мәселелер талқыланды.
Айта кетейік, Шығыс Қазақстан ел бойынша ауыл шаруашылығы саласын дамытуда алдыңғы лекте тұр. Биылғы тоғыз айдың қорытындысы бойынша өңірден жалпы сомасы 343 млн АҚШ долларына тең ауыл шаруашылығы өнімдері экспортталған.
