Ішкі істер министрлігі мен Цифрлық даму, инновациялар және аэроғарыш өнеркәсібі министрлігі жеке куәлікті онлайн ауыстыру бойынша пилоттық жобаны іске қосты, деп хабарлайды F16.kz.
– Ол eGov.kz порталы мен Мgov мобильді қосымшасында қолжетімді, – деп хабарлайды Ішкі істер министрлігінен.
Белгілі болғандай, егер куәліктің жарамдылық мерзімі аяқталғанға дейін 30 күн және одан аз уақыт қалса, сондай-ақ жарамдылық мерзімінің өтуіне 10 күннен аспаса, бұл қызметті онлайн алуға болады.
Онлайн-форматта құжаттау азаматтарға:
– жеке куәлік ауыстыруға өтінім беруге;
– фотосурет жүктеп, қолтаңба қоюға;
– жеке деректерді растауға;
– мемлекеттік бажды төлеуге (өз қалауы бойынша жеделдетілген қызмет алуға) мүмкіндік береді.
Бұл ыңғайлы әрі уақытты үнемдейді және ХҚКО-да ұзын-сонар кезекті болдырмайды.
Фото: gov.kz
