Қазақстанда фонограммаға толық тыйым салынуы мүмкін, деп хабарлайды F16.kz.
Бұл туралы Парламент Мәжілісінде өткен «Қазақстан Республикасының кейбір заңнамалық актілеріне мәдениет және білім беру мәселелері бойынша өзгерістер мен толықтырулар енгізу туралы» заң жобасының отырысында мәлім болды. Мәжіліс депутаты Нартай Аралбайұлының айтуынша, фонограммаға толық тыйым салу бастамасын халық қалаулылары бірауыздан қолдаған.
Жұмыс тобында депутаттардың «Қазақстанда фонограммаға толық тыйым салу» туралы нормасы бір ауыздан қолдау тапты! Халық жанды дауысты шын өнерді көруге, тыңдауға құқылы. Ағайынды алдауға болмайды, – деді депутат.
Фото: pixabay.com
