Бүгін Қарағанды облысында оқу-жаттығу барысында Су-30 СМ жойғыш ұшағы апатқа ұшырады. Бұл туралы Қорғаныс министрлігінің баспасөз қызметі мәлім етті.
Ұшақ экипажы дер кезінде катапульт жасады. Ұшқыштар аман, олардың өмірі мен денсаулығына қауіп жоқ. Қазір олар медициналық мамандардың бақылауында, – делінген министрлік хабарламасында.
Ұшақ құлаған аумақ қоршауға алынған. Тұрғындар мен инфрақұрылым нысандарына еш қауіп жоқ.
Оқиғаның себептері мен мән-жайын анықтау үшін Қорғаныс министрлігінің арнайы комиссиясы құрылды. Комиссияны ұшу қауіпсіздігі жөніндегі департамент басқарады. Құрамына авиациялық қызметтің арнайы мамандары кірді.
Тергеу қорытындысы бойынша құқықтық баға беріліп, процессуалдық шешім қабылданады.
