Төтенше жағдайлар министрлігінің құтқарушылар жарылыс болған аумақта іздестіру—құтқару жұмысын жүргізіп жатыр, деп хабарлайды F16.kz.
Оқиға орнында құтқарушылар, кинологиялық есептоптар және ТЖМ Апаттар медицинасы орталығы бригадасының дәрігерлері жұмыс істеп жатыр, – деп мәлімдеді ҚР ТЖМ баспасөз қызметі.
Бұған дейін жазғанымыздай, бүгін таңертең Өскеменнің іргелі кәсіпорындарының бірі – «Казцинк» ЖШС-да жарылыс болған. Соның салдарынан өрт шығып, нысанның қабырғасы опырылған. Көп ұзамай өрт оқшауланып, құтқарушылар құтқару-іздестіру жұмысына кірісті. Оқиға орнында Төтенше жағдайлар министрлігінің бөлімшелері жұмыс істеп жатыр.
ТЖМ жанында жедел штаб құрылып, оның құрамына мемлекеттік органдар мен өзара әрекет ететін қызметтердің өкілдері кірді,
ШҚО экология департаментінің мамандары да оқиға орнына барып, атмосфералық ауаға бөлінуі ықтимал зиянды газдың мөлшерін анықтауда.
