ШҚО-да екі бірдей косметика дүкенін тонап, 100 мың теңгеге жуық шығын келтіргендер ұсталды, деп хабарлайды F16.kz.
Полицияға сауда нүктелерінің бірінің өкілі арызданған. Жедел-іздестіру іс-шаралары барысында полиция қызметкерлері 31 жастағы ер адамның ұрлыққа қатысы бар екенін анықтады.
Ер адам сауда залында жүріп, тауарлардың қолжетімділігін пайдаланып, күтім жасауға арналған бірнеше косметикалық құралды жасырын ұрлап кеткен. Келтірілген шығын 46 мың теңгеден асты, — дейді Өскемен қалалық ПБ баспасөз қызметі.
Сол күні осыған ұқсас тағы бір жайт тіркелген. Полицейлер жүргізген шаралар нәтижесінде 38 жастағы қала тұрғыны дүкен сөресінен бірнеше косметикалық затты ұрлағаны анықталды. Одан келтірілген шығын 48 мың теңгеге бағаланды.
Қазіргі таңда аталған фактілер бойынша сотқа дейінгі тергеп-тексеру амалдары жүргізіліп, оқиғаның мән-жайы анықталып жатыр, — делінген хабарламада.
