Марқакөл ауданында тұрғындардың қауіпсіздігі мен көлік қозғалысының тұрақтылығын қамтамасыз ету үшін қар күреу жұмысы қарқынды жүргізіліп жатыр, деп хабарлайды F16.kz.
Аудан орталығы Марқакөл ауылынан сонау түкпірдегі Шанағаты, Ұранхай, Аққайнар ауылдарына дейінгі негізгі жолдар уақтылы тазартылып отыр. Елді мекен ішіндегі көше жолдары мен әлеуметтік нысандардың айналасы, қоғамдық орындар да қардан тұрақты әрі сапалы тазартылады. Бұл жұмысқа коммуналдық қызмет пен шаруа қожалықтарының техникалары тартылған. Қол күші де жеткілікті. Коммуналдық мекеме жұмысшылары тұрғындардан келіп түскен өтініштерге жедел әрекет етуді басты міндет санайды. Аудан әкімі Рүстембек Кемешев қар күреу жұмысын тікелей бақылауна алған.
Қысқы кезеңде барлық жолдарды, көшелер мен әлеуметтік нысандардың айналасын уақтылы тазартылып жатыр. Жолдардың ашық болуы көлік қатынасын жеңілдетіп қана қоймай, адамдардың қауіпсіздігін қамтамасыз етуге де мүмкіндік береді, – деді аудан әкімі.
Аудан әкімдігі тұрғындарға қысқы кезеңде қар тазалау жұмыстары алдағы уақытта да үздіксіз жүргізілетінін жеткізді.
