Өскеменнің Назарбаев даңғылындағы жаяу жүргіншілер өткелі қайта ашылуы мүмкін, деп хабарлайды F16.kz.
Өскемен қаласы әкімі Алмат Ақышов бұл мәселе қайта қарастырылып жатқанын айтты.
– Назарбаев даңғылындағы жаяу жүргіншілер өткеліне қатысты келіп түскен барлық өтініш мұқият қаралып, тұрғындардың ұсыныстарын талқылау үшін сол жерге бардым. Жаяу жүргіншілер өткелінің қажеттілігі туралы мәселе қала тұрғындарының пікірлері мен жол қозғалысы қауіпсіздігін қамтамасыз ету талаптарын ескере отырып жан-жақты қаралатын болады, – дейді қала әкімі.
Айта кету керек, даңғылда жаяу жүргіншілер өткелінің жоқтығына қала тұрғындары жиі шағымданатын. Қаланың бұрынғы әкімі бұл мәселеге талдау жүргізілетінін айтқанымен, полиция басқармасы қарсылық білдірген.
Полицейлердің айтуынша, жолақ қайта ашылса жол-көлік оқиғалары жиілеп кетуі мүмкін.
