Алдағы жылдары өңірде әлеуметтік маңызы бар бірқатар жобаларды жүзеге асыру жоспарланып отыр. Облыстық мәслихаттың кезектен тыс 27-інші сессиясында 2026–2028 жылдарға арналған бюджетке өзгерістер енгізу жобасы қаралды, деп хабарлайды F16.kz.
Жиында мәдениет, білім және спорт саласындағы жаңа нысандардың құрлысына және жаңғырту жұмыстарына, өңір қауіпсіздігін нығайтып, инфрақұрылымды дамытуға бөлінетін қаржы көлемі қарастырылды.
Мәдениет саласы бойынша, Өскемен қаласы Тоқтаров көшесі, 56 мекенжайындағы облыстық өнер музейінің ғимаратына күрделі жөндеу жүргізу үшін 397,9 млн теңге қарастырылып отыр. Одан бөлек, Глубокое ауданы Белоусовка кентінде мәдениет үйінің құрылысын жалғастыруға 95,8 млн теңге бөлінеді. Білім саласы бойынша, Ұлан ауданының Жанұзақ ауылында спорт модулі бар әкімшілік ғимарат салуға 97,4 млн теңге қарастырылды, — деп атап өтті облыстық экономика және бюджетті жоспарлау басқармасының басшысы Нұрсұлтан Маратов.
Сонымен қатар, бюджет қаражатынан полиция департаментіне жарылғыш заттардан залалсыздандыратын роботы бар жарылыс-техникалық кешен сатып алуға 1 млрд 175 млн теңге бөлу көзделген.
