Шығыстың бас шаһарында көп қабатты тұрғын үйлердің қасбетін әрлеп, балкондарын заманауи стильде безендіру жұмысы жүргізіліп жатыр. Бұл игі бастама жергілікті тұрғындардың көңілінен шықты, деп хабарлайды F16.kz.
Жақында Әуезов даңғылы 49, Нұрмағамбетов көшесі 52 және 55 мекен жайларында орналасқан көп қабатты үйлердің қасбеті жаңартылды. Кетеуі кете бастаған ескі балкондардың орнына пластиктен жасалған құрылыстар қойылды.
Монтаждау-құрастыру жұмыстары қарқынды жүргізіліп, қазірдің өзінде жұмыстың шамамен 70%-ы орындалып қойды. Бастапқыда бұл жобаға сын айтып, мін таққысы келген кейбір тұрғындар қазір үйлерінің балконы көзге әдемі, көңілге қонымды екенін жасырмайды. Қазір бекітулер толық күшейтіліп, конструкциялар реттелді, саңылаулар түгел бітелді.
Биыл біздің үйдің қасбеті мен балкондары жаңартылып жатыр. Бұған қуанамыз әрине. Жігіттер жаз бойы істеді. Бәрін бақылап отырдық, қандай да бір кемшілік болса немесе мәлесе туындаса жұмысшыларға айта қоямыз, дереу әрекет етіп, реттеп береді, – деді Әуезов даңғылы 49 мекен жайындағы үй тұрғындары.
Қалалық тұрғын үй қатынастары бөлімінің басшысы Амантай Бақыт адамдардың бұл жобаға шағым айтуын жұмыстың әлі аяқталмауымен түсіндірді.
Жұмыс әлі толық біткен жоқ. Сол себепті жаңбыр кезінде екі балконның қуысынан су кірген. Қазір саңылаулар түгел бітелді, герметизация жүргізілді. Енді сыртын толық қаптаймыз. Бәрі біткен соң су да, суық та кірмейді, – деді ол.
Бөлім басшысының айтуынша, тұрғын үйлердің қасбетін жаңарту жұмысын осы айдың соңына дейін толық аяқталады.
