Республикалық маңызы бар Өскемен – Риддер автомобиль жолына асфальтбетон жабынының бірінші қабаты төселді, деп хабарлайды F16.kz.
«Қазавтожол» ҰК» АҚ Шығыс Қазақстан облыстық филиалының мәліметінше, жобаны іске асыру барысында жолдың ісінуі жиі байқалатын учаскелер қалпына келтірілген.
Жолдың ең күрделі учаскелеріне ерекше көңіл бөлінді. Оның ішінде Зимовье ауылы маңындағы ұзақ жылдар бойы жүргізушілерге қолайсыздық туғызған ақаулар толықтай жойылды. Бұл жол жабынының сенімділігі мен қозғалыс қауіпсіздігін едәуір арттыруға мүмкіндік береді, – деп атап өтті «Қазавтожол» ҰК» АҚ Шығыс Қазақстан облыстық филиалы директорының орынбасары Алмас Қасенов.
Қазіргі уақытта асфальтбетон жабынының екінші (үстіңгі) қабатын төсеу жұмыстары жүргізіліп жатыр.
Жобаны толық аяқтау үшін су өткізгіш құбырларды орнату, жол жиектерін нығайту, жол таңбаларын салу, жол белгілерін орнату және жолды толық абаттандыру жұмыстары жүргізіледі. Жөндеу жұмыстары биыл күзде аяқталады деп жоспарланып отыр, — деді Алмас Қасенов.
