Өскемен гарнизонындағы әскери бөлімдердің бірінде қызмет орнын өз бетінше тастап кеткен мерзімді әскери қызметші қатардағы жауынгер А.Е. Мархан облыс орталығынан 20 шақырым жерде ұсталып, әскери полиция бөліміне жеткізілді, деп хабарлайды F16.kz.
ҚР Қарулы Күштері Әскери полициясы бас басқармасының мәліметінше, сарбаздың өмірі мен денсаулығына ешқандай қауіп жоқ.
Тексеру барысында әскери қызметші командирлер және бірге қызмет атқаратын әскери қызметшілер тарапынан жарғыға қарсы келетін қарым-қатынас пен лауазымдық өкілеттіктерді асыра пайдалану фактілері болмағанын мәлімдеді. Алдын ала мәлімет бойынша, сарбаз үйін сағынып, қызмет орнын өз бетінше тастап кеткен, — делінген хабарламада.
Аталған факті бойынша тексеру жүргізіліп, оқиғаның себептері мен мән-жайы анықталуда.
