Облыс орталығында сәуір айының 21-нен бастап заңсыз сақталған қару-жарақты сатып алу бойынша акция өткізіледі, деп хабарлайды F16.kz тілшісі.
Қалалық полиция басқармасының мәліметіне сүйенсек, акция асында қару түріне байланысты ақшалай сыйақы төлінеді.
— Өз еркімен атыс қаруын, оқ дәрілерді және жарылғыш заттарды өткізген жағдайда қылмыстық және әкімшілік жауапкершілік қарастырылмаған ҚР ІІМ 2015 жылғы 27 наурызында № 266 бұйрығымен бекітілген, — делінген хабарламада.
Ақшалай сыйақы үшін заңсыз сақталатын атыс қаруын, оқ дәрілерін және жарылғыш заттарын тапсыруға ниеті бар азаматтар арыздарымен Өскемен қаласы полиция басқармасына немесе тұрғылықты мекенжай бойынша әкімшілік учаскелік полиция инспекторына жүгіне алады.
