Республикалық референдумның Орталық комиссиясында дауыс беруге арналған бюллетеньдердің формасы мен мәтіні таныстырылды, деп хабарлайды F16.kz.
Орталық референдум комиссиясының мүшесі Михаил Бортниктің хабарлауынша, дауыс беруге арналған бюллетеньдер қазақ және орыс тілдерінде басылады.
Бюллетеньдерде былай деп жазылады:
«Сіз 2026 жылғы 12 ақпанда БАҚ-та жарияланған Қазақстан Республикасының жаңа Конституциясын қабылдайсыз ба?»
Қазақстандықтарға екі жауап нұсқасы ұсынылады — «Иә, қабылдаймын» және «Жоқ, қабылдамаймын». Әркім өзі қалаған жауап нұсқасының таңдау үшін оң жақтағы бос шаршыға белгі қояды.
Дауыс беруге арналған бюллетеньдер учаскелік референдум комиссияларына сайлаушылардың жалпы санының 1 пайызы көлеміндегі резервпен жеткізіледі.
Облыстар, Астана, Алматы, Шымкент қалалары әкімдіктері өкілдерінің ұсынған мәліметтері мен есептеріне сәйкес, республика бойынша тізімге 12 461 796 азамат енгізілген. Осыған байланысты 12 586 413 дана дауыс беру бюллетенін дайындау көзделіп отыр.
Естеріңізге сала кетсек, Мемлекет басшысы Қасым-Жомарт Тоқаев 2026 жылғы 15 наурызда республикалық референдум өткізу туралы Жарлыққа қол қойған.
