Риддер қаласы әкімінің орынбасары қызметіне Қанат Оралбек кірісті, деп хабарлайды F16.kz.
Қанат Оралбек «Журналистика» мамандығы бойынша жоғары білім алған, философия ғылымдарының магистрі.
Еңбек жолын бұқаралық ақпарат құралдары саласында бастап, ұзақ жылдар бойы газет редакцияларында және теледидарда қызмет атқарған.
Әр жылдары Күршім ауданының Жастар ресурстық орталығының директоры, Күршім және Ұлан аудандарының ішкі саясат бөлімдерінің басшысы лауазымдарында қызмет етті.
Осы уақытқа дейін Риддер қаласының ішкі саясат, мәдениет және спорт бөлімінің басшысы қызметін атқарды.
