Шығыс Қазақстан облысына жұмыс сапары аясында Сенат төрағасы Мәулен Әшімбаев Өскемендегі сүт зауытының жұмысшыларымен кездесті, деп хабарлайды F16.kz.
Отандық өндірістің қазанын қайнатқан жұмысшы қауыммен болған кездесуде жаңа Конституция жобасының негізгі ережелері мен еңбек адамдарына тікелей қатысты өзгерістерге ерекше мән берілді.
Сүт зауытының механигі Жасұлан Еділбаевтың айтуынша, жаңа Конституция қарапайым адамды және оның нақты қажеттіліктерін бірінші орынға қояды. Құжатта адамның өмірі, құқықтары мен бостандықтары ең басты құндылық ретінде бекітілген. Өндіріс жұмысшылары үшін ең маңыздысы – еңбек ету құқығы, қауіпсіз еңбек жағдайлары және әлеуметтік қорғау кепілдендірілген.
