Бүгін Шығыс Қазақстан облысының әкімі Нұрымбет Сақтағанов тұрғындарды жеке мәселелері бойынша қабылдады. Оған жауапты басқармалар мен жергілікті әкімдікт өкілдері қатысты. Жеке қабылдау барысында азаматтар кәсіпкерлік, жылумен қамтамасыз ету, тұрғын үй мәселелерін көтерген, деп хабарлайды F16.kz.
Бұл жолы үйлері орталықтандырылған жылу жүйесіне қосылмаған Өскемендегі Оңтүстік ауыл көшесінің тұрғындары аймақ басшысының қабылдауына келген. Тұрғындардың шағымына қала әкімі Алмат Ақышов жауап берді. Оның айтуынша, қазір жобалық-сметалық құжаттама әзірленіп жатыр. Жоспар бойынша ол 2026 жылдың екінші тоқсанында аяқталуға тиіс. ШҚО әкімі Нұрымбет Сақтағанов мемлекеттік сараптаманың оң қорытындысы алынғаннан кейін, белгіленген тәртіпке сәйкес бюджеттік өтінім беруді тапсырды. Жоба бойынша жұмыстар бюджет қаражаты
Сондай-ақ Өскемендегі Есенберлин даңғылы, 33 мекенжайындағы «Ray Residence» тұрғын үй кешенінің құрылысына ақша салған бірнеше адам құрылыс жұмыстарының аяқталмағанына, компанияның өз міндеттемелерін орындамағанына шағымданды. Аймақ басшысы мәселенің заң жүзінде шешілуі тиіс екенін жеткізіп, зардап шеккен жандарға заңгерлік көмек көрсетілетіндігін айтты.
Ал Арман Зиятов есімді өңір тұрғыны «A-frame» форматындағы, яғни панорамалы терезелері бар үшбұрышты үйлер салу жобасын жүзеге асырғысы келетінін жеткізді. Оның айтуынша, жоба Шығыс Қазақстанның туристік әлеуетін дамытуға, жұмыс орындарын құруға және инвестициялар тартуға бағытталған. Нұрымбет Сақтағанов облыстық кәсіпкерлік және өнеркәсіп басқармасына кәсіпкерге мемлекеттік қолдау мүмкіндіктерін жіті түсіндіріп, жобаны іске асыру тетіктерін қарастыру міндетін қойды.
ШҚО әкімі басқа да тұрғындардың мәселелерін мұқият тыңдап, жан-жақты түсіндіріп, заң шеңберінде тиісті шаралар қабылданатынын жеткізді. Әр өтініш бойынша жағдай бақылауға алынды.
