Бүгін С.Аманжолов атындағы ШҚУ-да «Hard skills fest» облыстық жастар форумы өтті. Жұмысшы мамандықтар жылы аясында ұйымдастырылған шарада өңірдегі барлық колледж студенттері бас қосты, деп хабарлайды F16.kz.
Бұл форумда жастар тек тәжірибе алмасып қоймай, жаңа идеяларды ортаға салып, аймақтың еңбек нарығындағы өзекті мәселелер мен жастардың кәсіби бағдарын жетілдіру жолдарын талқылады.Шараға жұмыс берушілер, университет басшылығы мен облыстық жастар орталығының директоры қатысты.
Бүгінгі шараға облыстағы коллдеждерден 200-ге жуық студент қатысып отыр. Форумның негізгі мақсаты — жұмысшы мамандықтарын насихаттап, беделі мен мәртебесін арттыру. Сонымен қоса, қазіргі заманауи технологиялар, оның ішінде жасанды интеллектіні қалай игеруге болатыны, жалпы жастар үшін қандай тиімді бағдарламалар бар екендігі туралы ақпарат берілді. Қарапайым жұмысшы мамандығының студенттері қоғамға пайдалы, маңызы бар мамандық иегеріп жатқанын түсіну керек, — дейді С.Аманжолов атындағы ШҚУ тәрбие жұмысы және әлеуметтік мәселелер жөніндегі проректоры Жанетта Қалимолдина.
Форум екі бөлімнен тұрды. Бірінші кезеңде білім алушылар университет басшылығы мен жұмыс берушілерден кеңес алып, тренинг ұйымдастырылса, екінші кезеңде жиналған жастар интеллектуалды Quiz ойынында бақ сынады. Онда да жасанды интеллект, жұмысшы мамандықтардың маңызы мен көшбасшылық қасиетті дамытуға баса назар аударылған.
Дәнекерлеуші, электр-технолог, аспаз, құрылысшы және басқа да мамандар – қазіргі заманның батырлары. Біз осы орайда кәсіптік білім берудің міртебесін арттыратын уақыт келді деп есептейміз. Заман талабына сай кәсіпорындармен тығыз байланыс орнату, дулаьді оқытуды дамыту, жас буынға мотвация беру, оларды практика арқылы шыңдау, сапалы кадр дайындау тек колледждегі ұстаздардың міндеті емес, бұл – қоғамның , мемлекеттің ортақ ісі, — деп атап өтті С.Аманжолов атындағы ШҚУ-да Директорлар кеңесінің төрағасы Әмірхан Рахымжанов.
Форумның қорытынды бөлімінде саланың дамуына және жастармен жүйелі жұмыс жүргізуге қосқан үлесі үшін серіктес ұйымдардың өкілдері мен белсенді қатысушыларға алғыс хаттар табысталды.
