9 мамыр – Жеңіс күні мерекесіне орай ҰОС ардагерлері мен тыл еңбеккерлеріне әлеуметтік көмек көрсетіледі, деп хабарлайды F16.kz.
Жергілікті атқарушы органдардың шешімімен, бюджет қаражаты есебінен Ұлы Жеңістің 80 жылдығына орай соғысқа қатысушылар мен тылда еңбек еткен адамдарға біржолғы әлеуметтік қолдау қарастырылған.
Ресми деректерге сәйкес, облыс аумағында қазір Ұлы Отан соғысына қатысы бар 4 264 адам тұрады.
Бекітілген жоспарға сәйкес, 12 ҰОС қатысушысы мен мүгедектігі бар адамға 5 млн теңгеден біржолғы жәрдемақы беріледі. Ал 190 ардагерге, оның ішінде тыл еңбеккерлері, блокада куәгерлері, концлагерь тұтқындары және майдангерлердің жесірлеріне 130 мың теңгеден төленеді. Сондай-ақ 4 062 тыл еңбеккеріне 80 мың теңгеден төлем беріледі.
ШҚО әкімінің баспасөз қызметі
