Шығыс жастары 15 наурызда өтетін республикалық референдумды еліміз үшін аса маңызды саяси оқиға ретінде бағалады, деп хабарлайды F16.kz.
Жас буын өкілдері референдум өз көзқарасыңды ашық білдіріп, елдің даму бағытына үлес қосатын мүмкіндік екенін атап көрсетті.
Жастардың белсенді азаматтық ұстанымы — елдің тұрақты дамуының берік негізі. Жас ұрпақ саналы таңдау жасағанда, олар тек өз болашағын емес, тұтас мемлекеттің келешегін айқындайды, — деді Айдос Әділбекұлы.
Шығыс жастары бұл үндеуді саналы азаматтың ел алдындағы парызы ретінде қабылдауға шақырады. Себебі азаматтық белсенділік — заңмен берілген құқықты пайдалану ғана емес, сол құқық арқылы қоғам дамуына ықпал ету.
