Биыл Шығыс Қазақстан облысында ауыл шаруашылығы салының көрсеткіштері былтырғымен салыстырғанда жоғары. Бұл туралы аймақ басшысы Нұрымбет Сақтағанов ОКҚ алаңында өткен баспасөз мәслихатында мәлім етті, деп хабарлайды F16.kz.
Өңір басшысының айтуынша, биыл өңірде астық өнімділігі 101,5%-ға, майлы дақылдардың өнімділігі 107%-ға артты. Экспорттағы өңделген өнім үлесі 66%-дан 71%-ға жетті. Цифрлық жүйені пайдалану арқылы егістік жерлердің 40%-ы өнімділікті гектарына 30 центнерге арттыруға мүмкіндік берді. Агроөнеркәсіп кешенінде сыртқы ынтымақтастықты нығайту мақсатында Қытай, Ресей және Өзбекстан елдерімен өзара іс-қимыл жолға қойылған.
Жерлестеріміз Еурокомиссия тізіміне енген алғашқы қазақстандық кәсіпорын ретінде Еуропаның 27 еліне Шығыстың балын жеткізу мүмкіндігіне ие болды, — деді облыс әкімі.
ШҚО балық шаруашылығында да көш бастап тұрғанын айта кету керек. Биыл жыл соңына дейін 2,5 мың тонна тауарлы балық өндіру жоспарланған.
