Өскеменде ұшақ бортында және әуежайда тәртіп бұзған 79 адам жауапкершілікке тартылды, деп хабарлайды F16.kz тілшісі.
«Өскемен-1» станциясындағы желілік полиция қызметкерлері белгіленбеген орындарда темекі шеккен, қоғамдық орындарда ішімдік ішкен және мас күйде жүрген 77 адамды, ұсақ бұзақылық жасаған 1 адамды және терроризм туралы жалған ақпарат берген тұрғынды ұстаған.
Шемонаиха ауданының тұрғыны терроризм актісі туралы көрінеу жалған ақпарат берген. Аталған факті бойынша ҚР Қылмыстық кодексінің 273-бабына сәйкес қылмыстық іс қозғалды. Оған бес мың айлық есептік көрсеткішке дейін айыппұл салынуы, түзеу жұмыстары, бостандығын шектеу немесе бес жылға дейін бас бостандығынан айыру жазасы тағайындалуы мүмкін, — дейді желілік полиция қызметкерлері.
Сондай-ақ тәртіп сақшылар өз кезегінде ұшақ бортында және әуежайларда тәртіп бұзу – адам өміріне қауіп тудыруы мүмкін екенін айтады.
Фото: pixabay.com
