ШҚО ПД есірткі қылмысына қарсы іс-қимыл басқармасының қызметкерлері Кинологиялық қызмет орталығымен бірлесіп «Таза Қазақстан» республикалық экологиялық акциясына қатысты, деп хабарлайды F16.kz тілшісі.
Акция барысында әр мемлекеттік органға санитарлық тазалау жүргізіп, абаттандыру керек учаскелер бекітілген.
Ондағы мақсат — экологиялық мәдениетті қалыптастыру және қоршаған ортаны қорғау мәселелеріне қала тұрғындарының да назарын аударту. Тәртіп сақшылары өздеріне белгіленген аймақты, яғни Меновное ауданында орналасқан «Жастар» саябағында тазалық жұмыстарын жүргізіп, аумақты қоқыстан, қураған шөптен тазартты. Демалыс аймақтарын ретке келтірген соң ағаш көшеттері отырғызылды, — дейді ШҚО ПД баспасөз қызметі.
Полиция қызметкерлері мұндай бастамалар экологиялық жағдайды жақсартып қана қоймай, қоршаған ортаға жауапты көзқарасты қалыптастыруға септігін тигізетінін айтады.
Фото: ШҚО ПД баспасөз қызметі
