«Қауіпсіз жол» республикалық жедел профилактикалық іс-шарасы аясында Шемонаиха ауданының полиция қызметкерлері заңсыз кәсіпкерлік фактісінің жолын кесті, деп хабарлайды F16.kz.
Рейдтік тексерулер барысында Volkswagen автокөлігі тоқтатылды. Полицейлер көлік жүргізушісінің жеке кәсіпкер ретінде тіркелмей және такси қызметін көрсетуге тиісті рұқсат құжаттарынсыз жолаушыларды тасымалдаумен айналысқанын анықтады.
Кәсіпкерлік қызметпен тіркеусіз және арнайы рұқсатсыз айналысқаны үшін құқық бұзушыға қатысты тиісті шаралар қабылданды. Полиция заңсыз тасымалдау салық заңнамасын бұзып қана қоймай, жолаушылардың қауіпсіздігіне де қатер төндіретінін ескертеді, — делінген Polisia.kz ақпаратында.
Өйткені мұндай жүргізушілер рейс алды медициналық тексеруден, ал көлік құралдары тиісті техникалық байқаудан өтпейді.
