Президент Қасым-Жомарт Тоқаев Ұлттық құрылтайдың V отырысында Парламент жұмысын түбегейлі жаңғыртуды көздейтін реформалар аясында депутаттарды бес жылға сайлау ұсынылғанын мәлімдеді, деп хабарлайды F16.kz.
Ұсыныстардың төртінші бөлігі заң шығарушы органның жұмыс тәртібі мен рәсімдеріне қатысты болды. Жаңа Парламентте депутаттарды бес жылға сайлау көзделіп отыр. Заң қабылдаудың үш кезеңнен тұратын процедурасы ұсынылады. Депутаттар бірінші кезеңде заң жобасын жалпы мақұлдайды. Одан кейін өзгерістерді мақұлдайды, соңында заңды қабылдайды. Осылайша, біз Парламент қызметін түбегейлі қайта құру арқылы осыған дейін жүзеге асырылған саяси реформаларды одан әрі жалғастырамыз, — деді Қасым-Жомарт Тоқаев.
