Өсімдіктердің вегетациялық кезеңіне дайындық аясында Шығыс Қазақстан облысының «Қазсушар» филиалы 55 шақырым суару каналын тазартты, деп хабарлайды F16.kz.
Атап айтқанда, Ақжар учаскесінде 8 шақырым, Зайсан учаскесінде 9,3 шақырым, Күршім учаскесінде 37,7 шақырым канал тазартылды.
Су ресурстары және ирригация министрлігінен хабарлағандай, алдағы уақытта тағы 30 шақырым каналды тазарту жоспарланып отыр.
– Биыл Шығыс Қазақстан облысында вегетация маусымы 10 күнге ерте басталды. Қазіргі уақытта облыста суару кезеңінің белсенді фазасы жүріп жатыр. Шаруалармен суармалы су беру жөнінде 290 келісімшарт жасалды, – дейді «Қазсушар» кәсіпорны облыстық филиалының директоры Нұржан Әміржанов.
Фото: gov.kz
